身體重要...定係打機重要?

依加又變返好似以前咁...晚晚未到一點唔想關電腦...

要過左一點半先[可以]上床...o_o

天氣轉涼...將床對我既吸引力都直線上升...

日日都去公司囉好幸福既藥食...食左幸福既傷風藥..

係咪真係會幸福...我覺得應該都會既...最少藥是免費任食的...

身邊既女性開始有變惡既情況出現...令我唔想去接近佢地

公司依加分開左兩邊...我上司同三個跟車工人[包括我]一邊[倉公司]

另一邊就係[明興貿易公司]...老闆同埋一班衰女人會計...同埋惡攪sales...

話就話分公司...只係我地班跟車仔吹下水姐...

對住果班陷家產咪又係要扮死狗~佢地出一句聲...我地咪要做?!

msn冇人出聲...我咪唔出囉...悶鬥悶...玩online game算!

我之前覺得網戀應該唔錯...男既唔洗真係比錢養女...

女既可以增加戀愛經驗值...到真正戀愛既時候..可以更好玩弄男性...

男既可能想...咁岩傾..約佢出黎發展...之類...

到依加某君反而想...錢唔緊要...岩傾先係緊要...

有時真係對方太冇個性好痛苦...唔知啦...

食飯...唔打住lu~得閒先啦...

悲與喜.日記

日記...點解會寫返...網上日記又同普通日記有乜分別...想唔想比人睇...

其實我覺得日日都係特別的...特別的好...又會特別的壞...

玩[生化危機]...一隻好多喪屍既一隻game...通常某某醫院長丫...研究人員都會寫份研究報告...寫寫下會話囉自己個身體玩喪屍毒...哈哈...

寫日記...我自己未必會返睇...都唔想比親人睇...但係又想比其他人睇...好奇怪...

隻online game玩唔到住...server有問題喎...搞錯..我放假果陣先玩唔到...痴線架...

官網話12月2號..即今日停機一日...個官網都死死下咁

聽日星期日去唱k...陪阿浩去...嘿嘿...

前幾日去尖沙咀沙龍...一間相機既鋪頭度囉相機...

果個人仔比左成堆糖仔我...之後佢個同事叫佢留返d比老細...

嚇到我跌左幾糖落地...老細食既糖比我要左一大半...

之後返到公司四圍派...比左5~8粒比揸lift人...

個揸lift人幾好人架...雖然同佢傾計會覺得佢幾...行

因為佢會同意哂你講既野...令人感覺佢無乜原則...

但係佢一定算係一個好既聆聽者...

回信...唔知點回...回左都好似無用...感覺已經...

得閒清下個我的最愛都好啵...硬碟又冇位...

psp好好玩...好有用...但我總係好少掂佢..唔知點解呢

打到呢度先啦...日記...唔係日日記既日記...忙碌...忙到甩碌...呵呵

今日係大日子呢

12點停電既大日子...我重新寫返日記既日子...

12點...係灰姑娘要離開傻傻的王子既時候...係好多靈異事件發生既時候...更加係好多阿媽逼個仔訓覺既鐘數...

依加11:24...要30分鐘內攪掂..之後攪多陣野就要閃上床...

msn十幾個人...得一兩個online...想del佢地又唔知del唔del好?

人已經少架啦..online果d又唔知講乜好...以前都唔知點解icq會add到咁多人呢

裝左個黑色陰謀online...好似好好玩咁~~希望浩唔會又話唔玩啦...

真係比佢玩死架...當我認真既時候佢又要走...=.=

今日我唔想開msn...因為開左驚玩到過12點咪大獲~

如果kc-zone真係可以多返人去既話...我一定會努力去發post的...講住先啦

比清話我次次搵佢都只係唱k...佢明顯地唔滿意...不過又係既...我知錯..

但係...我都係冇藉口啦...呵呵...

返左呢份工...得到既...失去既...都處於一個近乎平衡既不平衡之中...

我又扮哂野啦...得到既有...唔多既錢...工作經驗...行事小心左...計數好左....集中力好左...了解到何謂真定係假話...

失去既都唔少...我的青春小鳥一去不回來~~體力都好大消耗..又瘦唔到...

我想知愛幾時先會降臨我果度...通想呢個時候會有把聲音話....愛同埋幸福都要自己去爭取架...之類之類...

如果我瘦d...我勇敢d...我唔會咁多缺點...哈哈...我唔係我既話...

搵到一個優點既時候又會發現到兩個缺點...

又發覺缺點之中又有少少優點既成份...真難計呢...

如果愛係一種感覺...咁對果個人既背景唔清楚..連對方咩野名..住邊

乜都唔知...係咪就唔算愛?.......咁如果知道哂對方所有野...都唔代表已經有愛既

存在啦...係咪先...聽到女仔話鍾意自己...我會諗到d乜呢...

第一會唔會諗佢係咪美女...會唔會好惡...哈哈

娶個美女會節壽...自己呃自己..自卑感作祟...自己唔係靚仔...求其有女仔鍾意...

傻啦...如果真係有個女仔鍾意自己...自己咁樣同佢講...我求其鍾意妳架咋..

仲唔即刻say goodbye咩...

成日將[即刻]..打成[即係]...好嚴重呢....

打住咁多...11:41分了..好驚停電牙...呵呵

多野攪

今晚...玩玩下又到左10點了@@...又要打日記又要寫信@@

琴日星期三...下午放工要送野去灣仔~

19號係會展..咁我就諗住去鬼埋個書展...星期日唔洗浪費左成日假期

搭地鐵既時候逼左浩去@@...佢唔去既理由係冇錢..同埋其它地方買仲平

我既理由就係..一年得一次...好多女...有新書...陪下我..之類之類...

講左四五個地鐵站之後...佢話返屋企沖完涼就出黎...

咁結果係佢仲早過我...仲要幫我買埋飛a__a

仲講笑咁爆哂粗- -...我笑到咳..咳到內傷

原來比人罵都會有內傷@@"

講下買左乜野啦....有隻歌聲魅影..大陸cd版...@@

平既愛情小說...記憶既書...之類之類...

咁個書展就11點幾收...我就既時候又餓又腳軟...

浩對腳唔軟..因為佢唔洗返工= =..我岩岩返左成日...

佢就串我話~都叫你星期日先去啦@@

丫...依加份工儲唔到錢呢...未到月尾就冇乜錢...

快d手打完日記就寫信信比晴@@

晴丫晴..等多陣...好多...

msn依然靜...好慘丫呢排...好多野要煩...

不過我始終覺得好過返學...可能我搵既工比較...fit d掛

好想減肥= =..好想出少d汗...

今日既事...聽日了...

我部psp可以玩頭文字D了@@

清清要教細佬做功課..好似會比阿媽鬧><

希望清細佬加油d...寫少幾隻錯字><""

前幾日收到封回信了@~@...陣間打完日記快手快腳

回左佢先@@...魚魚的信~

msn 唔見哂人@@...

講下我份工啦...之前去富士公司囉貨啦

見到個[同行]...我同佢吹下水傾下計咁

我問佢姓乜...佢答姓盧...

我狂問佢...性奴?!性奴?!...哇卡卡

佢好似get到又好似get唔到我個意思咁

我呢排個病..好影響工作...大動作少少d咳就停唔到

鼻水又流丫流...諗緊今個月捱唔捱得住...

唔想面紅紅咁又問老豆借= =

老闆居然問我想唔想早走= =

我成日覺得佢有d古惑...

我寧願佢比d冇咁辛苦既野我做算lu...

返足佢@@...旺角好熱...開始憎佢了@@

打住咁多...寫日記@@